Dummenec 'e sera, dopp' a partita, bell' e bbuon nu dirigente vene vicin' a me e me rice: Devi scrivere un articolo sulla partita e su tutto l'anno pallavolistico. Azz! E che bellu regal ca m'e fatt! E vabbuò, quann s'anna scriver sti 'ccose, se sape, s'adda semp' ricere a verità. E mò accussì facce. Accumminciamme a metter'e cose n'chiar: chille ca m'ha fatt stu regalo se crere e fa o' dirigente, addetto all'arbitro, giornalista, telecronista. Tutte strunzate! Chill è o' TGGIUS (Filippo Carotenuto -nda-). Ca po', dico io, ma che t'attigge a fa? Cu sti magliune, nisciune te crere! Ritornando all'articolo, ricimme ca s'avess' accummincià dall'inizi'e l'anno, d'o mese e settembre, già tanne, se capette ca 'e cose nu' stevene bbuone, e mo ve spiego! Chist'anne talmente ca ce vonne 'bbene, ce 'anna vulute fa nu Bellu Regalo: Sì, una serie D ve la meritate!. (Ma i fatt vuost no, eh?-nda-) Mo nun se sape chi l'ha avuta sta bella genialata, nun se sape si c'è stata nà richiesta, cheste po' so cose ca nun se sapranno maje, ma chell' ca vulesse ricere è che, generalmente, un regalo è una cosa offerta, gratuita, piacevole,niente di meno pe mezz'e stu regal avimme mise man' a sacc e ce simme fatt pur a tribuna: CURNUT' e MAZZIATE!!! Sì, pecchè po', a novità nunn' è sule chesta. Nun sacce chi è chillu genio c'a pensate a nà bella regola 'nfame sull'età d'e guaglione ca duvevane sta 'ncopp' o referto, sule quattro, sì, pecché sò viecchiecone, (vicchiarelle), s'adda dà spazio alle giovani. Sesé!!! L'avimme viste arò stanne sti giovani, tanto po' se sape ca 'e vicchiarelle ponne sempe servì! Facendomi duje cunte, penzaje: Cà me fanne fore!. Detto fatto! E vabbuò nun fa niente, chist'anne t'alliene sule e a dummenec'a tavola te ne vire bene! Pe fa nu poc' cuntente a tutte quante, se mette 'mmieze na seconda divisione, e pure cà succede nù casine'.Chi vuol fare la seconda divisione? chiese dall'alto della sua carica o' PRESIDENT VUSCARO (Carmine Arpaia, che risiede a Boscotrecase -nda-) e ce sta chi risponne: Sì, io la voglio fa, basta ca se joca, e poi ce stanno chelle ca te fanne attaccà e 'ntestine rint'a panza quann ricene: No, io me voglio fa l'esperienza in serie D. Sesé!!! Talmente ca se vulevane fà l'esperienza, ca stanne ancora fujenne pecché l'impegno era troppo gruoss! E non è tutto! Rint'a a palestra, bell' e bbuone, a inizio mese te truove nu cartiell for o' spogliatoje ca rice, più o meno, accussì: Entro il 15 di ogni mese si riscuote il mensile. U' maronna!!! L'ansia 'ncuolle! E chi l'a mise stu cartiell? E chi o' puteva mettere': O RISCOSSON (Aniello Palmieri -nda-), ca po', nel corso dell'anno, bell' e bbuone, s'è trasformato in 5 EURO MAN, quanne chella vota, pe ghì a fà na piezz'e trasferta, te vene pur a chiedere nu piccolo contributo p' a benzina. PURE! E nun ma voglio fà a pere? Nun voglio truvà nu par'e llore, fidanzati e non, ca ce ranne nu passaggio? Presidè l'anno che 'vvene, pe 'ccortesia, nun ce facite nisciunu regalo, ca comme stann' e cose, o' mensile arriva a 250&euro e gli allenamenti accummencian'e l'unnece e 'mmez fin 'e ddoje manc nu quart!!! Ma chest' è sule l'inizio. Roppe nu poch'e tiempo, nun se capisce cchiù niente. Una s'adda operà pecchè ten' a pallina, chell'ate se fa mal e s'adda operà pecchè avev' attaccà e zomp' nù legamento, chell'ata ten'o tendine d'a spalla ca nun funziona dall'anno passato, nu par'e llore (allenatore compreso) tenen' a schien' a tre manc' nù quart, n'ata fà nù muro e zomp' nù rito, 'e caviglie accummencian' a zumpà pure 'llore in ordine sparso e alla fine pure ce se mette pure o' cuolle, sinò s'avesse piglià collera! Ma nunn'avaste manc' chest! Una, dummenec' nun ce sta, chell'ata ten' o compleanno, a cena, a freva, o' viaggio. E mò basta! Chill U PE' nun sape cchiù che s'adda 'nventà! U Pè? E che r'è u Pè? U PE' è un termine dialettale troncato (meglio non specificare da dove deriva -nda-) che descrive in maniera abbastanza colorita una persona intalliata nonché logorroica che ha guidato la squadra femminile (Pasquale Oliva -nda-). Ma nonostante tutto, pure chist'anno ce simme divertiti. Sì, a megli'e nuje ha pigliate duje chili e o' diabete pe tutto chelle ca ce simm magnat: rustici, calzoni, prestifatti, parmigiane, crostate, kinder pinguì, pan di stelle, salami di cioccolata, torrone al cioccolato e nocciole, tiramisù, pizza di scarole e tanto altro ancora, ma almen ce simm 'mparat a cucenà! A sera dint' a palestra, però, simm' arrivat sempe c'o sorriso 'ncopp'e labbre, pur quann' erem' 7/8 e nuje (Signora delle palazzine verdi Parco Apega T.A.) e pur quanne s'aveva pavà! Gli sfottò nun se contano, 'e figur' e mmerd nun ne parlamme proprio, soprattutto quelle cu' mister Libraro, ma tanto ormai se sape, a squadra maschile simme nuje. E pure quann na brutta sera o' shock è stato troppe gruosse, ce simm rat' a mano e avimme camminate'nsieme, tutte quante, pecchè è accussì ca s'adda fà! O' president vuscar quanne ce vereve chi 'o ssape che pensave: Maronn, 'e femmene, 'e che guaje, se steve meglio quann se steve peggio. Niente di meno, pe mantené sta squadra, nun sacce cchiù quanta mole m'aggia tirate! N'ata sera, bell' e bbuon o' vuscar' organizza na cenetta e con aria diplomatica dice: Siete invitate a cena dall'assessore allo sport, tutte, mi raccomando E vabbuò presidè, venimme! Almeno se magne (tra l'altro a bruschetta era a fine r'o munno -nda-). Arrivamme a chist'incontro, e na cumpagna rice: Guagliù ma qual assessore e assessore, chill' è MIMMOLINO!. Mimmolino? E chi è? Comme, Mimmolino, o'cap'e gli ultrà (del Savoia - nda-). Chill mò fa l'assessor r'o sport, sacce ca sta facenn cose bone, ma semp Mimmolino è!. Na sera a Torre Birraia nun se capette niente! Abbandonate le vesti ufficiali, Mimmolino se mett' a brindà ch'e guaglione e fa na promessa: Si vincit' a Caivano, ve port' a magnà na pizza. Detto fatto Mimmolì! A Caivano l'assessore è incontenibile, brinda e festeggia con le ragazze e promette nuovamente la cena, ven' a vedè e' partite, ormai è uno di noi. L'urdema partita avimme vencere pe ce putè salvà. Comme minimo l'avimme fa, pe tutto chell ca c'è succiese, pe tutte chell c'avimme passat e pe tutt chell c'avimme pavat! S'adda fa, e se fa! Dint'a palestra quann l'arbitr sesca l'urdime punto nun se capisce cchiù nient. 'E zzoppe e 'e viecchiecone scennene d'a tribuna e abbraccian'a chelle ca stevene 'mmiez'o campo, accummencian' a zumpà, a cantà, a festeggià, a fa 'trenin accà, trenin allà, ati' figur 'e merd accà e allà, pcchè ce avimme sfugà, pecchè avimme parià! Coccherune 'ncopp' a tribuna sicuro avrà penzate: Ma vir a sti sceme, e c' annà vinciut?. Signò, e pe piacere, dopp'a ttutto stu sperpetuo, ce simme salvat pur' o mazz e comme minimo avimme fa nu burdell'e pazz! Pecchè po', a pallavolo è accussì, 'o sport è accussì, te fa sta cu' llate, gruosse e piccirille, tanto rint'a palestra simme tutti uguali, pur'o sport è comme nà livella, te fa divertì, te fa stà bbuon, e stasera, ancora nà vota stamme tutti quanti 'nsieme, a magnà e a brindà a saluta nosta, a fà doje risate in allegria e a parià dint'o pulmin 'e l'esercito, pecchè po', quann' a pallavolo se ne và, sul' a chisti bei ricordi avimme penzà!!! Ilaria Amura